A FP dual é unha modalidade de formación profesional que ten como finalidade a cualificación profesional das persoas nun réxime de alternancia, combinando a formación do alumnado no centro educativo coa súa formación e a súa actividade profesionalizadora na empresa.
O ciclo comezouse a impartir este ano por vez primeira en toda Galicia e ten unha alta empregabilidade.
O período de formación estrutúrase en dos cursos lectivos da seguinte maneira:
- 1º Curso, de setembro a febreiro no centro, e de marzo a xullo na empresa.
- 2º Curso, de setembro a xaneiro no centro, e de febreiro a xuño na empresa.
No período de formación nas empresas os alumnos perciben unha remuneración e danse de alta na Seguridade Social.
Aínda que nos primeiros meses do curso, a formación faise no IES As Fontiñas de Santiago, a alta demanda de traballadores no sector, posibilita que dende o centro poidamos ofrecer as prácticas en empresas de toda Galicia con posibilidade que estean próximas aos lugares de orixe dos alumnos/as.
A preinscripción ao curso faise en xuño, e as condicións de acceso son as seguintes:
- Ter 18 anos no inicio das prácticas
- Superar unha entrevista persoal con as empresas das prácticas.
** Inscricións e información: Maria Josep Martínez Bonet (Titora Ciclo Escavacións e Sondaxes) IES As Fontiñas. TF: 881866661 MAIL: mmbonet@edu.xunta.gal